ހުވަފެންތަކެއް ދެއްކީ ކަލާ

ރާގު: ކެއިސޭ ކޮއީ ޖާނޭ ބަލާ

ހުވަފެންތަކެއް ދެއްކީ ކަލާ
ނޭނގޭތީ ތާބީރު
ނިންޖެއް ނޭނގޭ ލޮލަށް
ވިސްނޭނެހޭ ތަޤުދީރު
ކުރެހެންފެށީ މޭގާމަގޭ ގޮތް
ނުއެނގޭ ތަސްވީރު
ނިންޖެއް ނޭނގޭ ލޮލަށް
ވިސްނޭނެހޭ ތަޤުދީރު

ފެނުމުން ތި ސާދާ މޫނާ ލޯ
ވާނޭ ގޮތެއް ނޭނގެޔޭ
މިހިތާމެއާ ފެނިފާ ކަލާ
ހުއްޓޭނެހެން ހީވެޔޭ
ހީވެޔޭ
ސީދާބުނޭ ބޭނުންވަނީ
ލޯބިން ކުރާ ތަދުބީރު
ނިންޖެއް ނޭނގޭ ލޮލަށް
ވިސްނޭނެހޭ ތަޤުދީރު

މޭގާ ޖަހާހާ ވިންދަކީ
ކަމަނާގެ ޙައްގެއް އިނގޭ
މުޅި ހަށިގަނޑާ ލޭގާ މިތުރު
ކޮށްދޭށެ ރަނިކަން އިނގޭ
ދެން އިނގޭ
އަތްފައިމަގޭ ބާރޭ ދަނީ
އެޅިފައިވީ ޒަންޖީރު
ނިންޖެއް ނޭނގޭ ލޮލަށް
ވިސްނޭނެހޭ ތަޤުދީރު

މި ސައިޓުގައި ބޭނުންކޮށްފައިވާ ލިރިކްސް، ފޮޓޯ އަދި ވީޑިއޯ ފަދަ ތަކެތީގެ މިލްކުވެރިކަން ވަނީ އޭގެ ޙައްޤުވެރި ފަރާތްތަކަށެވެ. އަދި މިސައިޓުގައިވާ އެއްވެސް ކޮންޓެންޓެއް ވިޔަފާރީގެ ގޮތުގައި ބޭނުން ނުކުރުން އެދެމެވެ.

info@dhivehilyrics.com

އިން

އެކު