ރުއްކުރި ކޮޅެއްފަދަ ދޮންގޮމާ
އިންނަން މަދެން ހޯދާނަމޭ
ރުއްސަން ރަނާ ރިއްސާ މުތީ
ރުއްޖެހި އަތަރުވެސް ދޭނަމޭ

ރިއްސެޔޮލަމުން ދިޔައިރު ގޮމާ
އަސްތާ އެއީ ފަތްމިންޏެކޭ
ރިއްސާ ހިތަށް ފަރުވާޔަކަށް
ގޮމަޔާ މަ ފިކުރާ ވާނަމޭ

ގޮމަޔާ ދެވަންޏާ ދާނަމޭ
މަސްއޮޑި މަ ދުއްވައިދޭނަމޭ
އަމަޔަށް ލިބާހާ ފޭލިދީ
ބަފަޔަށް މަ ހެޔޮމީސް ވާނަމޭ

ހިތުއޮތްގޮތަށް ވިއްޔާ މަދެން
ދަތުރެއް މަތީ ރަށްފުޅު ބަލަން
އުތުރަށް ގޮވައިގެން ގޮސްލުމަށް
ނަދުރެއް މަ ބުނެވެސް ލާނަމޭ

ހުންނާނަމޭ އަބަދަށް މިހެން
ފަހުނޭވަޔާ ހަމައަށް ނިކަން
އިންނާނަމޭ ގޮމަޔާ މަދެން
ޢަޒުމެއް ދުލެއް ނުކުރާނަމޭ